لو مهم انك تقول كلام كبير

مهم كمان انك تقول كلام عادي

مش محتاج أنك تفكر و تحسب له

يمكن يكون هادا يزعل

او يمكن هاذي

كلام طاير في الهوا ناشر ضله

يجري لو الهوا جري

و يغطس و يعوم لو الموج هادي

أوعي تفكر كتير في كلامي زي كل مرة

بس لو كنت مرة بتفكر

أنصحك بلاش المرة ادي

ما هو لو انت شايفني

لو انت مصدقني

فانا دلوقتي

قاعد و سايب قلمي يكتب كلمة

و علي باقي الكلام يفضل ينادي

أنا قلت لك بلاش تفكركتير

ما حمامة جالها الفكر لما

سابها عمك طه تدور

مع الكروان علي هنادي

وين هنادي يا أماي ؟

راحت مع الوبا

و الوبا ياما كسر قلوب عذاري

و كمان  آيادي

لو كنت فهمت حاجة فانا هازعل

و لو مش فهمت خد لك رقم

و في الدور استني

و عليك هاعدي و انا رايح المعادي

الوقت اصله لسه بدري و انا

عربتي فاضية و كمان دماغي

لالالالالالالالالالالالالالا

دماغي هادي